Información
A Coruña

II Desafío Milagrosa volverá a converter o barrio no circuíto dunha orixinal carreira de obstáculos

Información
23 Agosto 2018 413 votos
1 1 1 1 1 1 1 1 1 1

O Parque da Milagrosa acollerá o sábado 1 de setembro, desde as 9.30 horas, o II Desafío Milagrosa, unha carreira de obstáculos na que os participantes, maiores de 16 anos, deberán completar un percorrido de 1.000 metros con 18 retos -pasar a través de un coche desmontado, mover pacas de palla, cruzar andamios, zonas de reptado e equilibrio, ramplas engraxadas etc.-, máis unha segunda volta xa sen obstáculos. Organiza a Asociación de Comerciantes, Empresarios, Hostaleiros e Profesionais do barrio da Milagrosa, en colaboración co Concello de Carballo, Carballo Deporte, Policía Local e Protección Civil.

 

A inscrición -individual ou por equipos, de balde e ata un máximo de 110 corredores- pode formalizarse na seguinte ligazón ata as 23.59 horas do mércores 29 de agosto: https://www.carreirasgalegas.com/carreira/ii-desaf-o-a-millagrosa/61828592-1a17-e4e0-dfce-39e813ab2f98

A inscrición -individual ou por equipos, de balde e ata un máximo de 110 corredores- pode formalizarse ata as 23.59 horas do mércores 29 de agosto en www.carreirasgalegas.com

Como novidade nesta edición -ademais da competición por equipos, que non se disputou en 2007-, a proba estará regulada por xuíces árbitros da Federación Galega de Atletismo.

Todos os corredores que rematen a proba recibirán unha medalla “Finisher”. Tamén se entregarán trofeos para os tres primeiros homes e para as tres primeiras mulleres, así como medallas para todos os integrantes dos tres primeiros equipos clasificados.

Instalaranse duchas e baños nas dependencias do Forum Carballo e avituallamento líquido na zona de meta. Ademais, un grupo de zumba animará a carreira.

Presentación

O concelleiro de Deporte, Marcos Trigo, e a alcaldesa accidental, Belén Lendoiro, asistiron á presentación da carreira, na que tamén participaron o presidente da  Asociación de Comerciantes, Empresarios, Hostaleiros e Profesionais do barrio da Milagrosa, José Manuel Mancebo, e Moncho Ríos, director da carreira.

Trigo salientou a “notable dinamización que está a vivir o barrio da Milagrosa grazas a eventos como esta carreira e outras iniciativas que se celebran ao longo do ano. Así que desde o Concello o menos que podemos facer é desexar que a proba sexa un éxito, como xa foi o ano pasado”. Lendoiro subscribiu as palabras do concelleiro de Deporte: “Comparto totalmente as palabras de Marcos e tamén quero felicitar á organización polo seu esforzo e traballo, e animar á xente a participar”.

Mancebo apostou pola continuidade da proba para os vindeiros anos: “A ver se somos quen de consolidar este evento para os próximos anos: para nós sería un logro poder celebralo cantas máis edicións mellor”.

Logo de debullar polo miúdo todos os detalles técnicos da proba, Ríos explicou: “Vai estar a Federación regulando saídas e chegadas, e tamén cronometrando con dorsais chipeados. Esta achega informática é moi importante e implicará un custo, por iso debemos agradecer o esforzo económico que fará a Asociación de Empresarios da Milagrosa e que suporá un impulso de calidade e base á carreira”.

Descargas

 

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...