Información
A Coruña

Troitas de Oroso, empanada de Laxe e Carballo, viño de Betanzos, ou de Vedra, polbo de Mugardos, bica de Vimianzo vermú de Padrón ou a olería de Buño, o turismo ornitolóxico de Muxía e as redeiras sorprenderon na Feira Ibérica da Garda

Información
02 Mayo 2018 1531 votos
1 1 1 1 1 1 1 1 1 1

Un programa de degustacións de produtos de calidade , demostracións e showcookings coordinado pola área de Turismo da Provincia de A Coruña promoveu unha variada oferta de interese turístico na Feira Ibérica da Garda que se está a desenvolver do 28 de abril ao 1 de maio.

 

O espazo expositivo da Provincia de A Coruña  foi dos máis visitados do recinto, con especial afluencia nos momentos en que se desenvolveron actividades e mostras co fin de atraer representantes do sector fundamentalmente no ámbito luso. Neste sentido, o deputado de Turismo, Xosé Regueira, destacou o interese de intensificar as relacións turísticas Portugal-Galiza no encontro que mantivo coa Secretaria de Estado de Turismo de Portugal, Ana Mendes, que visitou o posto da Provincia de A Coruña  da degustou un viño de Vedra.

Como en anteriores ocasións, e como vén sendo habitual na presenza en feiras turísticas, a Provincia de A Coruña  da Coruña actuou como medio para a participación activa dos concellos na feira, e, neste sentido, representantes institucionais municipais asistiron ao encontro da Guarda e  involucráronse na preparación e oferta dos seus propios produtos.

O maridaxe de produtos dos concellos do Camiño Inglés como as troitas de Oroso e o viño branco de Betanzos, as mostras das empanadas de Laxe e Carballo, concello que tamén achegou pan de ovo e o seu tradicional pan, o polbo á mugardesa, o viño da Ulla ou a bica de Vimianzo son algúns dos produtos gastronómicos que se converteron en estrela da oferta do sector no amplo programa da feira. Ademais, nos espazos reservados pola Provincia de A Coruña  da Coruña animaron a oferta propostas como o turismo ornitolóxico de Muxía, o asalto ao Castelo de Vimianzo, a olería de Buño ou a actividade artesanal das redeiras de distintos concellos da Costa da Morte.

Os concellos de Mugardos, Malpica, Padrón, Carballo, Ponteceso, Laxe, Oroso, Vimianzo, Muxía e o xeodestino de Arousa Norte tiveron, desta maneira, unha presenza máis activa no evento, protagonizando actividades específicas de preparación, degustación e mostra de produtos aínda que, a través da Provincia de A Coruña , difundíronse na Guarda a oferta da totalidade do territorio a través dos seis xeodestinos que conforman a estratexia promocional da área de Turismo da Provincia de A Coruña .

O deputado Xosé Regueira, destaca o interese "da participación na Feira Ibérica de Turismo que contribúe a intensificar o intercambio entre Galiza e Portugal, dando a coñecer destinos distintos dos máis visitados pola poboación portuguesa que ocupa unha alta porcentaxe do turismo que recibimos", sinalou.

Neste sentido, o obxectivo da participación activa na Guarda é mostrar a diversidade e calidade da oferta turística dos concellos da Coruña e posicionar os recursos naturais, culturais, gastronómicos e artesanais nun mercado de especial interese para a promoción turística dos concellos da Coruña.

"Trátase dun escenario inigualábel para potenciar turismo de proximidade entre Galiza e Portugal e unha feira que recibe milleiros de visitantes e unha nutrida representación do sector nun espazo singular que fai da FIT da Garda un encontro con identidade propia e moi agradábel para o intercambio e os acordos de colaboración", explica Xosé Regueira da experiencia do fin de semana na localidade portuguesa.

Entre outras cousas, unha das conclusións a participación é "comprobar máis unha vez o altísimo interese polos recursos turísticos, patrimoniais e culturais e a necesidade de descubrir novos destinos apenas coñecidos ademais das cidades e os distintos camiños a Santiago".

 

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...