-Laura Seara explicou que o Partido Popular quere impoñer a privatización desta Infraestrutura Hospitalaria rompendo o acordo coas Agrupacións desta entidade, rompendo así un pacto histórico.
- Dixo que o PSdeG-PSOE esta traballando dende os seus servizos xurídicos para revisar a actuación do Goberno de Feijoo sobre este asunto, xa que en principio podería ser ilegal.
-Anunciou que presentaran diversas iniciativas en sede parlamentaria para que o Goberno Galego explique cales son os fundamentos xurídicos nos que se basea a decisión con respecto ao Hospital de Bos Aires

O portavoz do Grupo Parlamentario dos Socialistas de Galicia, Xoaquín Fernández Leiceaga e a portavoz de Emigración Laura Seara compareceron hoxe ante os medios de comunicación para analizar a viaxe do Presidente da Xunta ao exterior.

Seara dixo que Feijoo foi a Arxentina a “promocionarse”. E relatou as distincións que vai recibir; fillo de San Salvador, cidadano Bahiano, condecoración da Gran Cruz de Caballeros de Santiago, Hueped de Honor da cidade de Bos Aires. E ironizou “só lle falta pasarse por Miami e recoller o titulo de Español Universal”.

A deputada aludiu tamén a outros motivos políticos da súa viaxe. Relatou que “foi a América a liquidar a Sede da Xunta e a impoñer a privatización do Hospital do Centro Gallego”, sentenciou. E insistiu “estamos ante un pelotazo de campionato”. Explicou que o Partido Popular quere impoñer a privatización desta Infraestrutura Hospitalaria rompendo o acordo coas Agrupacións desta entidade, rompendo así un pacto histórico. Sinalou ademais que o PP “minte compulsivamente xa que dixeron que este Acordo foi por unanimidade, pero 2 das 5 asociacións que tiñan que asinar non asistiron a este encontro”. Nomeu tamén o actual Secretario Xeral Emigración, Santiago Camba “coa xestión deste membro do executivo autonómico este Centro tocou fondo”. Advertiu que todo relacionado co Hospital o Goberno de Feijoo “ están mentindo”.

Seara lembrou que no vindeiro pleno da Cámara Autonómico interpelará ao Goberno Galego para saber que acordos hai coa empresa A3 Recoletas, para xestionar o Hospital de Bos Aires. Dixo que o Goberno anterior iniciou un Plan de Viabilidade, a través duna xestión personalizada que agora pretenden votalizar dun plumazo. E proseguiu “ na última reunión do Padroado de Xulio do 2008, o balance de xestión era positivo, cun patrimonio neto positivo de mais dun millón de pesos arxentinos”. Con estas cifras sinalou que “os logros do Hospital nos últimos catro anos foron mais que evidentes a tódolos niveis”.
A portavoz de Emigración argumentou que o Goberno de Feijoo pretende investir 3,1 millóns de euros anuais durante 9 anos, moito mais que o que inverteu o Goberno anterior, e aínda por riba queren regalar o Hospital a unha empresa privada. Aludiu tamén a situación xeográfica deste edificio, en pleno corazón de Bos Aires, unha autentica perla para calquera empresa inmobiliaria. Anunciou tamén que o PSdeG-PSOE esta traballando dende os seus servizos xurídicos para revisar a actuación do Goberno de Feijoo sobre este asunto, xa que en principio podería ser ilegal. Indicou tamén que o Centro pode perder a súa condición de mutua é dicir pasaría a tributar como outra entidade privada de saúde arxentina.
Pola súa banda o portavoz do Grupo Parlamentario Socialista Xaquín Fernández Leiceaga cualificou ás viaxes ao exterior “coma central na acción do Goberno”, pero ao mesmo tempo reclamou ao Presidente da Xunta a súa comparecencia en sede parlamentaria para dar conta dela. Afirmou que “de xeito sistemático o Presidente renuncia a acudir ao Parlamento para explicar estas viaxes é non é de recibo esta situación”. Ademais lembrou que Touriño comparecía a petición propia, e pregúntalle a Feijoo “porque provoca esta desvalorización do Parlamento”.
Aludiu tamén aos Centros Galegos e citou o Lobby que propón o executivo autonómico. Dixo que por un lado Feijoo fai chamadas á unidade e por outro fomenta a división interna das institucións, e puxo como exemplo o Centro de Bos Aires. “A situación de división interna deste Hospital é estimulada polo propio Goberno de Feijoo”, replicou.
Delegacións no exterior
Sobre as Delegacións Territoriais no exterior dixo que lle parece “preocupante o seu abandono”. Argumentou que son “fundamentais para atender aos residentes no exterior e para facilitarlles o seu traballo”, relacionado sobre todo coa Administración Galega.
Tamén anunciou que presentaran diversas iniciativas en sede parlamentaria para que o Goberno Galego explique cales son os fundamentos xurídicos nos que se basea a decisión con respecto ao Hospital de Bos Aires. Leiceaga quere saber “como é posible que se faga un contrato de 28 millóns de euros a unha empresa privada sen ningún tipo de contrato público e que marco legal ten usado para executalo”. E insistiu “ todo este procedemento paréceme sorprendente”.
Voto en urna
Por último aludiu ao voto en urna. Leiceaga lembrou quer Feijoo viaxa a Arxentina para defender o voto en urna “nosoutros tamén estamos a favor”, expuxo. Pero a maiores lembrou que nos anos que Gobernou o Partido Popular con suficiente maioría tanto en España coma en Galicia “non moveu nin un so dedo para mudar esta situación. No houbo nin unha soa iniciativa a favor real a favor desto”. E subliñou que na pasada lexislatura, baixo un mandato socialista, o Parlamento Galego aprobou unha iniciativa apoiada por tódolos Grupos Parlamentarios galegos na que reclamamos esta modificación do sistema de voto, e que hoxe segue o seu curso no Congreso dos Deputados. Nese senso reclamoulle un “final feliz” para este asunto, e para que o voto en urna sexa unha realidade para os votantes no exterior.

Enviar esta noticia a: